2020年夏季奧林匹克運動會同臺灣有關嘅事
喺2020年夏季奧林匹克運動會期間，有唔少同臺灣有關嘅事。
日本Niconico網民開幕儀式直播彈幕聲援台灣獨立
編輯今年奧運開幕儀式，日本影片分享網站Niconico都有直播。其中喺台灣代表隊出場嘅時候，有好多日本網民寫上「台灣獨立」同台日友好嘅字眼。另外喺香港同中國大陸代表隊出場嘅時候，亦表示支持香港民主運動、香港修例風波同埋用「武漢肺炎」、「元凶」、「責任」、「戰犯」等字眼形容中國[1][2][3]。
台灣正名問題相關爭議
編輯台灣喺奧委會一向以『中華台北』名義參與，但係今年一啲日本媒體直接用『台灣』做稱呼，引起一啲中國網民不滿。
開幕進場儀式國家排序
編輯日本今次奧運開幕進場儀式，以日文五十音嚟排國家出場次序。雖然表面稱呼仍然叫台灣做中華台北，但暗地就以「台灣」嘅名義（タイワン）而唔係「中華台北」嘅名義（チャイニーズタイペイ）排次序，事件引發咗唔少中國網民不滿[4][3]。
日本放送協會喺開幕儀式後繼續直呼「台灣」
編輯日本放送協會（NHK）喺開幕儀式後，唔理中國抗議，繼續堅持為台灣正名。喺佢哋網站統計各國奧運獎牌得獎數嗰度，亦都係用「台灣」而唔係「中華台北」[5]。
中國網民欺凌台灣藝人爭議
編輯有啲台灣藝人，包括范瑋琪、徐熙娣、蔡依林、徐佳瑩、魏如萱同埋吳映潔等，因為支持台灣奧運選手而被一啲中國內地網民攻擊，話佢哋支持台獨或者辱華。就算有啲藝人已經避重就輕，唔提及「中華台北」或者台灣等字眼，佢哋都一樣遭受到中國網民嘅欺凌[6]。事件引嚟台灣跨黨派譴責，而台灣文化部就以「沒有一位藝人，需要為了支持自己國家的選手而道歉」，寫文力撐台灣藝人[7]。民進黨立委陳亭妃就形容，中國係用緊抄家滅族嘅方式審查言論，希望所有藝人睇清楚[8]。
呢啲欺凌，就連內地都有聲音批評。其中范瑋琪被狙擊之後，內地新聞網站《多維新聞》都呼籲大家放過范瑋琪，唔好郁啲就話人台獨[9]。
睇埋
編輯參考
編輯- ↑ NOWnews今日新聞 (2021-07-24)。〈東奧開幕直播「辱華」！中國進場遭日網友嗆：病毒發源地 | 全球〉。《NOWnews今日新聞》 (中文)。喺2021-07-25搵到。
- ↑ 〈日本人用奧運開幕儀式激死五毛？ 彈幕叫香港加油、台灣獨立國〉。winandmac.com (美國英文)。2021-07-24。喺2021-07-25搵到。
- ↑ 3.0 3.1 〈東奧開幕直播｢辱華｣!中國進場遭日網友嗆：諸惡的根源、病毒發源地 | 國際〉。《新頭殼 Newtalk》 (中文)。2021-07-24。喺2021-07-25搵到。
- ↑ 〈東京奧運開幕儀式暗地裏用「台灣」排次序？ 大陸網民即時嬲爆：小日本子〉。winandmac.com (美國英文)。2021-07-23。喺2021-07-25搵到。
- ↑ 〈不管小粉紅崩潰就是要「正名」 NHK奧運獎牌統計表直列「台灣」 ｜ 蘋果新聞網 ｜ 蘋果日報〉。《蘋果新聞網》 (臺灣中文)。2021-07-26。原著喺2021-07-26歸檔。喺2021-07-26搵到。
- ↑ 衛城 (2021-08-03)。〈東京奧運︱小S因「國手」翻車 民族特色商業模式需自我警醒〉。《香港01》 (香港中文)。喺2021-08-04搵到。
- ↑ Fitz中國組 (2021-08-03)。〈台灣藝人撐奧運選手被小粉紅全面攻擊，文化部: 沒有一位需要道歉 | Fitz中國組〉。《Fitz 運動平台》 (香港中文)。喺2021-08-03搵到。
- ↑ https://www.facebook.com/ETtoday。〈小S、蔡依林遭中國網友出征 陳亭妃：台灣藝人應該看清楚 | ETtoday政治新聞 | ETtoday新聞雲〉。www.ettoday.net (繁體中文)。喺2021-08-04搵到。
{{cite web}}:|last=has generic name (help); External link in|last= - ↑ 多维新闻 (2021-07-28)。〈放過范瑋琪吧 奧運不是統獨照妖鏡 認同不靠人民幣購買｜多維新聞〉。《多维新闻》 (簡體中文)。喺2021-08-08搵到。