香港旅遊業議會（英文：Travel Industry Council of Hong Kong，簡稱：旅議會、TIC），係香港旅遊業界嘅同業組織。
旅議會喺1978年成立，以保障旅行社嘅利益為宗旨，專責維持旅遊業嘅高專業水平，保障旅遊業者同出入境旅客雙方嘅利益。經過旅議會多年遊說，1985年香港政府制訂《旅行代理商條例》，規定所有經營外遊業務嘅旅行社必須領取牌照。旅議會負責監管外遊同入境旅行社，實現行業自律。[1]
現任旅議會理事會主席係徐王美倫（東和旅遊董事總經理）[2]，總幹事係楊淑芬[3]。
- ↑ 〈香港旅遊業議會〉。www.tichk.org。原著喺2018-06-12歸檔。喺2018-06-16搵到。
- ↑ 〈理事會〉。www.tichk.org。原著喺2018-09-18歸檔。喺2018-06-16搵到。
- ↑ 〈辦事處〉。www.tichk.org。原著喺2018-09-17歸檔。喺2018-06-16搵到。
