樓上鋪

樓上舖係鋪頭嘅一種，因為開喺二樓或閣樓甚至較高樓層度，有時要搭𨋢先去到，所以咁叫。

有銀座式大廈，全幢都係樓上鋪。

香港、東京、廣州呢啲大城市租貴，樓上舖租平啲，而鋪頭都要垂直向「高空」發展。

樓上鋪冇地鋪嘅人流優勢，所以一般靠做熟客生意為主。吸引生客要有計，加強廣告宣傳，例如工廠區，商廈樓上鋪話開倉日。因應樓上舖對推廣同業務拓展方面嘅需要，市場上又衍生出一種相關嘅專業顧問行業，專責為樓上鋪發掘新生意契機，同埋幫佢策劃推廣活動同行銷工作。