新四軍

國民革命軍陸軍新編第四軍，簡稱新四軍，係第二次國共合作期間由第五次反圍剿失敗後留喺南方八省進行游擊戰爭嘅中國工農紅軍同游擊隊根據國共兩黨談判達成嘅協議喺1937年10月改編而成嘅軍隊。新四軍係主要由項英創建嘅，由中共中央革命軍事委員會領導，下轄四個支隊，編入第三戰區戰鬥序列，但實質唔受國民政府軍事委員會指揮。

1945年抗日戰爭結束後，新四軍號繼續沿用到1947年1月先撤銷，原新四軍部隊主力除咗第3師（黃克誠部）開赴東北加入東北野戰軍，第5師（李先念部）改編為中原軍區外，其餘主力改編為華東野戰軍，1949年1月改稱第三野戰軍。