南國玫瑰華爾茲

《南國玫瑰華爾茲》，作品編號 388，係一首華爾茲混合曲，由約翰施特勞斯二世喺1880年作嚟獻畀當時嘅意大利國王翁貝托一世。呢首曲嗰啲主題抽自施特勞斯嘅輕歌劇《皇后嘅花邊手巾》。呢首曲相當受歡迎，到咗廿一世紀初都仲有好多人攞嚟聽同演奏，例如維也納新年音樂會不時都會演奏呢首曲。

Rosen aus dem Süden
約翰施特勞斯二世作品
Cover of the piano score. (Published by August Cranz)
曲式	華爾茲

嗌法

呢首曲喺各語言入便嘅名如下：

• 德文：Rosen aus dem Süden
• 英文：Roses from the South
• 中文譯名：南國玫瑰（粵音：naam4 gwok3 mui4 gwai3），而字面化噉譯亦可作南方玫瑰。

簡史

睇埋：約翰施特勞斯二世

首華爾茲第一次公演係喺1880年11月7號，當時愛德華·施特勞斯（約翰施特勞斯二世個細佬）指揮住施特勞斯交響樂團，喺維也納金色大廳嘅定期星期日音樂會嗰度演奏。呢首曲嘅音樂主題係由輕歌劇《皇后嘅花邊手巾》嗰度抽出嚟嘅，包括有齣劇第一幕嘅松露二重唱（德文：Trüffel-Couplet）同埋第二幕嘅浪漫曲野玫瑰綻放嘅地方（Wo die wilde Rose erblüht）。而首華爾茲個名就係受第二幕嗰首浪漫曲啟發嘅。

樂器

呢首華爾茲嘅配器包括以下呢啲樂器：兩支長笛（第二支兼短笛）、兩支雙簧管、兩支 C 調單簧管、兩支巴松管、四支 F 調法國號、兩支 F 調小號、三支長號、定音鼓、小鼓、三角鐵、大鼓、鈸、豎琴同埋弦樂組。

潮嘢

喺《星空奇遇記》其中一集《高斯的護衛》入面，特雷恩叫烏胡拉彈呢首華爾滋舞曲。

呢首曲仲出咗喺PlayStation 2嘅《與星共舞》遊戲，仲有1927年嘅電影《日出：兩個人嘅歌》入面嘅嘉年華場景。

呢首舞曲無列名出現喺2012年電影《蝙蝠俠：夜神起義》嘅跳舞場景，嗰套戲係由基斯頓·比爾同米高·基恩主演。

喺1992年電影《不死潛龍》入面，呢首舞曲短暫出現喺Lisle Von Rhuman嘅派對場景。

幾句呢首華爾滋舞曲喺1949年嘅電影《一眾王者》入面由Adam Stanton喺鋼琴度彈咗出嚟。